محشي كرنب من مطبخي

المقادير
أرز ، خضرة محشي (( كزبرة خضراء - بقدونس -شبت )) بصل ، طماطم ، توابل (( ملح - فلفل -شطة )، طبعاً كرنبة
الطريقة
نسلق ورق الكرنب في ماء مغلي به ملح وكمون ونخرج الورق بعد دقيقتين شوية شوية ونخرجها في ماء ساقع ونقطعه بالمقاس اللي نحب
وبعدين نغسل الرز

ونبشر عليه طماطم أو نضربها في الخلاط ونضعها عليه

ونقطع خضرة المحشي أو نفرمها حسب ما تحبي

ونقطع بصلة أو اثنين على حسب الرغبة

ونتبل بالملح والفلفل ونقلب

ونحضر ورقة الكرنب

نضع عليها معلقة من الخلطة

ونطبق من فوق ومن تحت عشان مايطلعش الخلطة منها

ونلف الورقة

ونكون مجهزين حلة مدهونة سمنة أو زبدة أو زيت حسب الرغبة

ونفرش فيها ورق كرنب من المسلوق

أو بطاطس مقطعة طرنشات بيبقى طعمها تحفة

ونرص فيها المحشي

ونملي الحلة ونترك مقدار فراغ عشان لما نضع شوية شوربة ( مرقة لحم أو فراخ ) أو لو مفيش نضع شوية ماء ونتركها على النار شوية تغلي ثم نهدي وما تكونش الماء أو المرقة كتير يعني بس يغطي المحشي ونتركه لحد ما يستوي

وبألف هنا وشفا