بعد الأم حفور وطم.
- بعد أمي وخواتي كل الخلق جيران.
- الولد إذا ما بكي ما بترضعو أمو.
- خود أم الكار ولا تآخد أم السوار.
- اللي بيشور عليك بالطلاق ما بعينك ع النفقة.
- اللي على بالو لا يحرم حالو.
- الما عندو حيلة قطع راسو أولى.
- الله يرزقنا الطحين لنسمعكن طق العجين.
- ألف ليلة بكدر ولا ليلة تحت الحجر.
- شاور ألف وخالف ألف وارجاع لشورك.
- اللي عودتو على أكلاتك كلما شافك بيجوع.
- الأكل والهزيمة ما عليهن عزيمة. (الهزيمة بمعنى الهرب)
- كول أكل جمل وقوم قبل الرجال.
- عدوك لا تأذيه إلو رب يجازيه.
- النا بهالحزمة عود والباقي تآخدو القرود.
- خدوا البنات من صدور العمات.
- تاجر بدينار اسمك بالبلد تاجر.
- الما بجي معك تعا معو.
- اللي بدلّي زنبيلو الكل بيعبيلو (في رواية أخرى: اللي ما بدلّي زنبيلو ماحدا بعبيلو)
- إن أسعدك أسماك و‘ن اتعسك أرماك.
- الكلب الفلتان أحسن من السبع المربوط.
- خيو هاد متل قرص السكر منين ما مسكتو بتلحوس أصابيعك.
- القرصة بغضة ولو كانت من أصابيع فضة والعضة محبة ولو كانت من سنان كلبة.
- من غاب عليك أصلو دلك عليه فعلو.
- لا تقص أضفرك وتجور عليه ابن آدم ما بيعرف اش مقدر عليه.
- اللي بدو يقعد مع العوران بدو يقلع عينو.
- الشنئ شنئي ووريتو، اشلك فسطو؟
- ضربو الأعور على عينو قالن تلفانة وتلفانة.
- أحلس أملس كلما شافك أفلس.
- يلي بيزكي درة ثوابه وسخ جاج.
- من أمنّك لا تخونو ولو كنت خوّان.
- اللي بتعرف ديتو دبحو.
- الدنيا بتنهز لكن ما بتنهدم.
- ألف كلمة انهزم ولا كلمة الله يرحمو.
-راح المهتري لعند المبتلي يطلب دوا للعليل.
- أهلك لو تهلك لو ودوك ع المهلك ولو جار الزمان عليك.
- الأوان ما بستحي من أوانو.
- ما بقرقع بالدست إلا أوخم الكراديش.
- الغضب أولتو جنون وآخرتو ندامة.
- يا متلنا تعوا لينا.
الأربعاء أكتوبر 27, 2010 7:27 am
هههههه
