بسم الله الرحمن الرحيم
حبااااايبي هذي قصة سمعتها من ايام
وحبيت اكتبها لكم لانها بصراحه اثرت فيني حيل
في بنت سعوديه تقريبا في العشرينات من عمرها تدرس ببعثه بإمريكا
كان نظامها وقت الاختبارات انها تروح بيت صديقتها الامريكيه تدرس وترجع للبيت بالكثير الساعه تسع
خبركم امريكاا من بعد تسع ماتشوف احد بالشارع مايقعد الا المجرمين والسكارى واللي يبي نفسه لا يطلع بهالاوقات<<الحمدلله على نعمه الامن
المهم بذاك اليوم راحت البنت وذاكرت واخذهم الوقت حتى الساعه 11
خرجت البنت من عند صديقتها وحاولت تشجع نفسها انها تمشي لحد محطة القطار(هي تروح وتجي بالقطار)
المهم البنت تقول كنت ميته من الخوف وكنت افكر لو الله اخذ عمري الحين وانا مو متحجبه ولا حتى كنت اصلي الله يغفرلي
المهم تقول وانا امشي للمحطه كنت احاول اتذكر ادعيه او آيات قرأنيه عشان اهدأ
عجزت اتذكر شي غير آيه الكرسي
قعدت ارددها لحد ماركبت القطار
وكان بالمقعده اللي قدامي رجل ضخم شكله مايطمن
وانا بس اردد آيه الكرسي حتى وصلت لبيتنا
<<الحمدلله كل شي بخير
ومن صباح اليوم اللي بعده وكالعاده اخذت الجرايد وقعدت اقرأ الاخبار لفت نظري خبر جريمة قتل حصل في ولايتنا في محطة القطار اللي كنت فيها امس وبعد ماخرجت منها بخمس دقايق
وحاطين صورة المجرم كان نفس اللي كان قدامي بالمقعده
وكاتبين انه مهووس بالدماء وقتل الناس
تقول البنت انها كانت مذهووله كيف نجت من بين ايدينه واصرت تروح لقسم الشرطه وتطلب انها تشوفه وتسأله ليش ماقتلها
المهم البنت فعلا راحت وسمحولها تقابله من وراء القضبان
قالتله تذكرتني
رد عليها ايه انتي اللي بالمحطه امس
ردت طيب ليش ماقتلتني وانت مهووس بالدماء مثل مايقولون
وانا بنت ولحالي وبإمكانك تقتلني ومحد درا عنك
رد عليها ؛كيف اقتلك وانتي وراك اثنين رجال ضخام
البنت سمعت رده وانصدمت لان ما كان وراها احد ولا معاها احد
<<<اكيد فهمتوا من الرجلين هذول
سبحانك ربي مااعظمك
ومن بعدها البنت التزمت وتحجبت
اتمنى تكونوا استفدتوا ومااكون طولت عليكم فديتكم
السبت مايو 01, 2010 2:15 pm
